თავდაცვის ძალებისთვის ფორმა შესაძლოა „ლუი ვიტონის“ და „გუჩის“ კონტრაქტორმა კომპანიამ შეკეროს

საქართველოს თავდაცვის ძალებისთვის, სამხედრო ფორმა შესაძლოა იმ კომპანიამ შეკეროს, რომელიც მსოფლიო ბრენდების „ლუი ვიტონისა“ და „გუჩისთვის“ მუშაობს. თავდაცვის მინისტრმა ირაკლი ღარიბაშვილმა ტელეკომპანია POSTV -ის ეთერში განაცხადა, რომ ამ კომპანიასთან მოლაპარაკებები მიმდინარეობს.

ირაკლი ღარიბაშვილის განცხადებით, ის ადგილობრივი ტექსტილის მწარმოებელ კომპანიებსაც შეხვდა, თუმცა შესაბამისი ხარისხი ვერ შესთავაზეს

„კიდევ ერთი კომპანია გამოიკვეთა რომელთანაც უნდა ვითანამშრომლოთ. ცნობილ ბრენდებს უკერავდა, როგორიცაა „ლუი ვიტონი“, „გუჩი“. შეიძლება ჩვენ ამ კომპანიასთან გავაფორმოთ სტრატეგიული ხელშეკრულება. მიდის მოლაპარაკებები. მანამდე გვქონდა სურვილი, რომ ადგილობრივი წარმოება განვითარებულიყო, მაგრამ ადგილზე სამწუხაროდ ვერ მომაწოდეს იმ ხარისხის ფორმები როგორიც ჩვენ გვინდოდა“, – აღნიშნა თავდაცვის მინისტრმა.

p.s კარგია ეროვნული წარმოება მაგრამ დღევანდელი ქართული წარმოების სამხედრო ფორმა რაც აცვია ქართულ არმიას ბევრად ჩამოუვარდება ამერიკულ სამხედრო ფორმას ხარისხში. ასე რომ ნამდვილად მისასალმებელი გადაწყვეტილება.