ავღანელმა თალიბებმა 50 T-62 ტიპის ტანკი აღადგინეს
ავღანეთის თალიბანმა გამოაცხადა 50 ერთეული საბჭოთა T-62 და T-62M ტანკის აღდგენა, რომლებიც მრავალი წლის განმავლობაში გამოუყენებელ მდგომარეობაში იყო.
ამის შესახებ თალიბანის თავდაცვის სამინისტრომ Twitter-ზე განაცხადა.
გავრცელებული ინფორმაციით, ჯავშანტექნიკის რესტავრაცია 313-ე ცენტრალური არმიის კორპუსის მეორე ჯავშანსატანკო ბრიგადის საინჟინრო და ტექნიკურმა ჯგუფებმა ჩაატარეს.
განახლებული ტანკების ჩვენება გაიმართა ოფიციალური პირების მონაწილეობით, მათ შორის იყო ცენტრალური არმიის კორპუსის მეთაური მოლა ამირ ხან ჰაკანი.
მან დადებითად შეაფასა ტექნიკის აღდგენის მცდელობა და სთხოვა, გამოიჩინონ მონდომება და მეტი ყურადღება მიაქციონ სამხედრო მანქანების შენახვასა და მოვლას.
გარდა აღდგენილი T-62 ტანკებისა, გამოქვეყნებულ ფოტოებზე ასახულია რუსული БМП-1, БМП-2 ტიის ქვეითთა საბრძოლო მანქანები და ამერიკული М113 ტიპის ჯავშანტრანსპორტიორები რომელთა ტექნიკური მდგომარეობის შესახებ ინფორმაცია არ იყო.
ავღანელი თალიბების რუსული ქვეითთა საბრძოლო მანქანები БМП-1 და БМП-2-ები
აღსანიშნავია, რომ ავღანეთში შედარებით დიდი რაოდენობითაა საბჭოთა წარმოების არასაბრძოლო მდგომარეობაში მყოფი ჯავშანტექნიკა შემრჩენილი.
უცნობია, შეძლო თუ არა ავღანეთის ახალმა მთავრობამ ტანკების დამოუკიდებლად აღდგენა. არ უნდა გამოირიცხოს მესამე ქვეყნების დახმარების შესაძლებლობა, მათ შორის პაკისტანი, ჩინეთი და რუსეთი.
მაისში Militarny-მ განაცხადა, რომ თალიბებმა გამოიყენეს ცოცხალი ძალა და ჯავშანტექნიკა ირანის სასაზღვრო პუნქტზე თავდასხმისთვის.
თალიბანის ლიდერებმა დაიწყეს განცხადება, რომ ისინი “ირანის კორუმპირებულ ისლამურ რესპუბლიკას უფრო მეტი ენთუზიაზმით შეებრძოლებიან, ვიდრე ამერიკის წინააღმდეგ ომი”.
