ბულგარეთი 122 მმ-იანი ჭურვების წარმოებას განაახლებს.

ბულგარეთში გადაწყვიტეს განაახლონ საარტილერიო საბრძოლო მასალის წარმოება საწარმოში, რომელიც რამდენიმე ათეული წლის განმავლობაში არ მუშაობდა.

საუბარია საბჭოთა სტილის 122 მმ-იანი ჭურვების წარმოების დაწყებაზე.

The New York Times-ის ცნობით, ისინი მიწოდებული იქნება ექსკლუზიურად უკრაინის შეიარაღებული ძალებისთვის.

ბულგარული ქარხანა ქალაქ კოსტენეცში სახელმწიფო ჰოლდინგ TEREM-ს ეკუთვნის და 35 წლიანი უმოქმედობის შემდეგ კვლავ დაიწყებს მუშაობას.

ამ ქარხანამ 1988 წელს შეწყვიტა 122 მმ ჭურვების წარმოება.

წარმოების დაწყების სტიმული იყო საბჭოთა ტიპის საბრძოლო მასალის გაზრდილი მოთხოვნა. დასავლეთის ქვეყნები ცდილობენ უკრაინას მიაწოდონ რუს დამპყრობლებთან საბრძოლველად საჭირო ჭურვები, ამიტომ ისინი ეძებენ საჭირო საბრძოლო მასალას მთელს მსოფლიოში და ყიდულობენ მათ.

შეგახსენებთ, რომ გასული წლის ნოემბერში გაჩნდა ინფორმაცია, რომ ნატოს ქვეყნები უკრაინაში გამოყენებული საბჭოთა ტიპის იარაღის სისტემებში ინვესტირებას გეგმავდნენ. ამის შესახებ აშშ-ის სახელმწიფო მდივანმა ენტონი ბლინკენმა განაცხადა.

მისივე თქმით, ზოგიერთ შემთხვევაში შესაძლოა საჭირო გახდეს იარაღის მიწოდება, რომელიც გარკვეული პერიოდის განმავლობაში საერთოდ არ იყო წარმოებული.

error: სტატიის დაკოპირება აკრძალულია!!!