რუსეთმა წააგო ომის ყველაზე დიდი სატანკო ბრძოლა ვუგლედართან – The New York Times.
ვუგლედარზე ოკუპანტების მიერ, თებერვლის სამკვირიანი თავდასხმა ომის დროს ყველაზე დიდ სატანკო ბრძოლად იქა რუსეთის მტკივნეულ მარცხად იქცა – წერს The New York Times.
უკრაინელმა სამხედროებმა გამოცემას უთხრეს, რომ მათ ოკუპანტების კოლონებს ჩასაფრება მოუწყვეს არამხოლოდ საბჭოთა, არამედ ამერიკული ჯაველინებისა და ჰაუბიცების სისტემებით, ფრანგული Caesar-ებითა და HIMARS-ის სარაკეტო სისტემების გამოყენებით.
72-ე ბრიგადის მეთაურები ამბობენ, რომ ვუგლედარისთვის ბრძოლა “იყო ამ ომის ყველაზე დიდი სატანკო ბრძოლა”, რომელშიც რუსეთმა დაკარგა არანაკლებ 130 ტანკი და ჯავშანტრანსპორტიორი.
ინფორმაციისთვის, დონეცკის ოლქის ქალაქ ვუგლედართან რუსმა სამხედროებმა მნიშვნელოვანი დანაკარგები განიცადეს. ბრიტანულმა დაზვერვამ გამოაქვეყნა სატელიტური სურათი რეგიონიდან, სადაც ჩანდა განადგურებული რუსული სამხედრო ტექნიკის რაოდენობა. ტექნიკა 155-ე საზღვაო ბრიგადას ეკუთვნოდა, რომელიც რუსეთის არმიის ელიტურ დანაყოფად ითვლება.
Politico-სთვის მიცემულ კომენტარში შეიარაღებული ძალები აცხადებდნენ, რომ ოკუპანტები დღეში 50-დან 300-მდე ადამიანს კარგავდნენ.
