ტანკები უკრაინისთვის. ვის და რამდენ ერთეულის მიწოდება შეუძლია.
დღეს გერმანიამ ოფიციალურად გამოაცხადა, რომ მზადაა უკრაინას ლეოპარდ-2 ტანკები მიაწოდოს. ამავდროულად, უკრაინის არმიისთვის დასავლური საბრძოლო მანქანების მიწოდების განზრახვის შესახებ არაერთმა სხვა სახელმწიფომაც გამოაცხადა.
იმის შესახებ, თუ რამდენი ტანკის მიღება შეუძლია უკრაინულ არმიას – წერს უკრინული გამოცემა RBC-Ukraine.
დღეს, 25 იანვარს, გერმანიის მთავრობამ განაცხადა, რომ უკრაინას გადასცემს Leopard 2 ტანკებს. როგორც მოსალოდნელი იყო, საუბარია გერმანიის საკუთარი მარაგებიდან ლეოპარდ 2-ის ერთ კომპანიაზე (14 ერთეულზე).
ნორვეგია უკრაინას რვა ლეოპარდ 2-ის ტანკის გადაცემას გეგმავს, დასავლური მედიის ცნობით, თავად ქვეყანას ასეთი ტანკი მხოლოდ 36 აქვს.
ნიდერლანდების პრემიერ-მინისტრმა ასევე გამოაცხადა მზადყოფნა უკრაინას დასავლური ტანკებით მიაწოდოს. მისი თქმით, საუბარია 18 ტანკზე.
თავის მხრივ, პოლონეთი აპირებს უკრაინაში გადაიტანოს დაახლოებით 14 ლეოპარდის ტანკი.
აშშ-ის პრეზიდენტი ჯო ბაიდენი უკრაინაში ორმოცდაათამდე აბრამის გადაცემას განიხილავს. ბაიდენის ადმინისტრაცია განიხილავს 30-დან 50-მდე აბრამსის ტანკის გაგზავნას, განაცხადა ერთ-ერთმა ამერიკელმა ოფიციალურმა წარმომადგენელმა.
ბრიტანეთის მთავრობა მზად არის უკრაინის არმიისთვის 14 ტანკი ჩელენჯერი მიაწოდოს.
შვედეთმა შესაძლოა უკრაინას გადასცეს Stridsvagn 122 ტანკები, აღნიშნულია, რომ ეს ლეოპარდების შევდური წარმოებული ვერსიაა. თავდაცვის მინისტრმა განაცხადა, რომ მიუხედავად იმისა, რომ ამ ტანკების შვედეთიდან მომარაგებისთვის მზადება არ მიმდინარეობს, ისინი შესაძლოა სამომავლოდ აქტუალური იყოს.
ესპანეთი ასევე მზად არის შეუერთდეს სატანკო ალიანსს Leopard 2-თან უკრაინისთვის: მადრიდი მზად არის მიაწოდოს კიევს გერმანული სტილის 53 ტანკი. ადგილობრივი მედიის ცნობით, ჯამში ესპანეთმა გერმანიიდან 108 ტანკი Leopard 2 შეიძინა.
საფრანგეთის პრეზიდენტი ემანუელ მაკრონი დაჰპირდა უკრაინას მსუბუქი საბრძოლო ტანკების გადაცემას. მან განაცხადა, რომ საფრანგეთი უკრაინას გადასცემს AMX-10 RC მსუბუქ ბორბლიან ტანკებს, მაგრამ არ აკონკრეტებს დეტალებს დაგეგმილი მიწოდების მოცულობისა და დროის შესახებ. ასევე, საფრანგეთი არ გამორიცხავს უკრაინის Leclerc ტანკების მიწოდებას, თუმცა მაკრონმა მათი გადაცემის სამი პირობა დაასახელა.
ზოგადად, უკრაინას შეუძლია მიიღოს სხვადასხვა დიზაინის 150-ზე მეტი დასავლური ტანკი.
