52 შაჰიდი დრონი ჩამოაგდო უკრაინის ჰაერსაწინააღმდეგო თავდაცვამ 54- იდან თეონა აქაუბარდია
კიევიდან წუხელ წამოსული ახლა ჩამოვედი ვარშავაში. დილიდან შეხვედრები მეწყება პარლამენტში, საგარეო საქმეთა სამინისტროსა და აკადემიურ ორგანიზაციებში.
მძიმე ღამე იყო კიევში. მასშტაბური საჰაერო თავდასხმის გამო დილამდე მოსახლეობა თავშესაფარში იყო. 52 შაჰიდი დრონი ჩამოაგდო უკრაინის ჰაერსაწინააღმდეგო თავდაცვამ 54- იდან. სამწუხაროდ არის მსხვერპლი.
კიევიდან მატარებელი დადის პოლონეთის საზღვრამდე. მგზავრები უმეტესად ქალები და ბავშვები არიან. რთულია წარმოიდგინო ომი, როცა ჭირს წარმოდგენა რომ იქ შეიძლება შენც იყო, თუმცა ქართველებს ეს ყველაზე კარგად უნდა გვესმოდეს, რადგან 2008 წელს ეს ჩვენც გამოვიარეთ მიუხედავად დაბალი მასშტაბებისა.
ბრძოლის ჟინი ხალხში და მტრის მიმართ წინააღმდეგობა იმხელაა, ისევე როგორც დასავლეთის მხარდაჭერა, რომ გარდაუვალია ამ ომში პუტინის მარცხის საბოლოოდ გაფორმება. დროულ გამარჯვებას ვუსურვებ უკრაინელ ხალხს! ჩვენ ერთად უნდა შევძლოთ დეოკუპაცია და ჩვენი სუვერენული არჩევანის უზრუნველყოფა.
წერს სოციალურ ქსელში თეონა აქუბარდია პარლამენტის თავდაცვის და უშიშროების კომიტეტის თავმჯდომარის მოადგილე.
