დიდი ბრიტანეთი უკრაინას საჰაერო თავდაცვის სისტემების რაკეტებს გადასცემს
დიდი ბრიტანეთის თავდაცვის სამინისტრო დათანხმდა უკრაინას საჰაერო თავდაცვის სისტემებისთვის რაკეტების ახალი პარტიის გადაცემაზე.
ამის შესახებ გაერთიანებული სამეფოს მთავრობის ოფიციალური ვებგვერდი იტყობინება.
საზენიტო რაკეტების დამატებითი რაოდენობა ხელს შეუწყობს რუსული უპილოტო თვითმფრინავების და რაკეტების განადგურებას, რომლებიც მიზნად ისახავს მშვიდობიანი მოსახლეობის და კრიტიკული ინფრასტრუქტურის განადგურებას.
რაკეტების დამატებითი პარტიის გადაცემის გადაწყვეტილება თავდაცვის სამინისტრომ მიიღო უკრაინაზე ომის დაწყებიდან ერთ-ერთი ყველაზე მასიური სარაკეტო თავდასხმის შემდეგ, რომელიც განხორციელდა 2024 წლის 1 იანვარს.
თავდაცვის სამინისტროს ინფორმაციით, უკრაინა მიიღებს 200 ASRAAM საჰაერო-ჰაერი რაკეტას, რომლებსაც ბრიტანული საზენიტო სისტემები იყენებს.
