დუშეთის მუნიციპალიტეტის საკრებულომ სოფელ ვარსიმაანში მდებარე ქუჩას აფხაზეთის ომში დაღუპული ზურა ვარსიმაშვილის სახელი მიანიჭა
დუშეთის მუნიციპალიტეტის საკრებულომ 2024 წლის 22 ოქტომბერს გამართულ სხდომაზე მიიღო N71 განკარგულება – “დუშეთის მუნიციპალიტეტის ბაზალეთის ადმინისტრაციულ ერთეულში – სოფელ ვარსიმაანში პირველ ქუჩისთვის და სოფელ ვარსიმაანის ადმინისტრაციულ საზღვარში მდებარე ქეთევან წამებულის ქუჩის ნაწილისათვის აფხაზეთის ომში დაღუპული ზურაბ ვარსიმაშვილის სახელის მინიჭების შესახებ.
აღნიშნული განკარგულების თანახმად: დუშეთის მუნიციპალიტეტის ბაზალეთის ადმინისტრაციულ ერთეულში – სოფელ ვარსიმაანში არსებულ პირველ ქუჩას და სოფელ ვარსიმაანის ადმინისტრაციულ საზღვარში მდებარე ქეთევან წამებულის ქუჩის ნაწილს აფხაზეთის ომში დაღუპული ზურაბ ვარსიმაშვილის სახელი მიენიჭა.
სოფელ ვარსიმაანში მდებარე პირველი ქუჩისთვის და ქეთევან წამებულის ქუჩის ნაწილისათვის აფხაზეთის ომში დაღუპული ზურა ვარსიმაშვილის სახელის მინიჭების შესახებ ინიციტივით დუშეთის მუნიციპალიტეტის საკრებულოს 2024 წლის 20 მაისს საკრებულოს წევრმა ია ვარსიმაშვილმა მიმართა.
მარჯვნიდან პირველი ზურა ვარსიმაშვილი
საკრებულოს წევრის ია ვარსიმაშვილის სახელდების თაობაზე ინიციატივამ დუშეთის მუნიციპალიტეტის საკრებულოში “გეოგრაფიული ობიექტების სახელდების შესახებ” საქართველოს კანონის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის N239 დადგნილებით გათვალისწინებული პროცედურები გაიარა.
„სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონის მე-2 მუხლის „ვ“ პუნქტის თანახმად: სამშობლოს დაცვისას დაღუპულისა და ომის შემდეგ გარდაცვლილი მეომრის ხსოვნის უკვდავყოფის ერთ-ერთი ფორმაა სამშობლოს დაცვისას დაღუპულისა და ომის შემდეგ გარდაცვლილი მეომრის სახელისა და გვარის დარქმევა ქუჩისათვის, მოედნისათვის, დაწესებულებისათვის, სკოლისათვის, აგრეთვე – სამხედრო ნაწილისა და გემისათვის, რომლებმაც განსაკუთრებით გამოიჩინეს თავი საბრძოლო ოპერაციების ჩატარების დროს.
ზურაბ ვასილის ძე ვარსიმაშვილი დაიბადა 1973 წლის 20 მაისს იქ.თბილისში, დაამთავრა თბილისის 147 საჯარო სკოლა, სამხედრო სავალდებულო სამსახურში გაწვეული იქნა 1992 წელს საქართველოს შინაგან საქმეთა სამინისტროს შინაგან ჯარებში.
სადესანტო მოირიშე ასეული „ღამაურა“ მონაწილებას იღებდა ოჩამჩირის რაიონში წამოებულ საბრძოლო ოპერაციებში.
1992 წლის 23 ნოემბერს ოჩმჩირის რაიონში განლაგებულ შინგანი ჯარების სადესანტო მოიერიშე ასეულის დანაყოფი რაიონის სოფელ ტამიშთან სტრატეგიული სიმაღლის ასაღებად შეტევაზე გადავიდა

შეტევაზე გადასულ შინაგანი ჯარის დანაყოფებს ზურა ვარსიმაშვილის (მძოლი-მექანიკოსი) БМП-1 ტიპის ქვითთა საბრძოლო მანქანის 73 მმ კალიბრის ქვემეხის და ტყვიამფრქვევის ინტენსიური ცეცხლით საცეცხლე მხარდაჭერას უწევდა …
აფხაზ სეპარატსტებს უყურადღებოდა არ დარჩენიათ ქვეითთა საბრძოლო მანქანის გაბედული მანევრირებები რის გამოც მოწინააღმდეგემ შინაგანი ჯარების БМП-1 სოფელ ტამიშის ხიდთან აფეთქაა.
ქვეითთა საბრძოლო მანქანის აფეთქების შედეგად ადგილზე დაიღუპა მძღოლი მექანიკოსი ზურა ვარსიმაშვილი და “ღამურას” ასეულის მეთაური კაპიტანი ვახტანგ შანავა. ჯავშანმანქანაში მჯდარი შინაგანი ჯარის მებრძოლები აფეთქებული БМП-დან გადავიდნენ და მოწინააღმდეგსათან გააფთრებულ ბრძოლაში ჩაებნენ რომელმაც 5-6 საათი გასტანა .
ზურა ვარსიმაშვილის ცხედარი გამოყვანილი იქნა თანამებრძოლების მიერ. დაკრძალულია დუშეთის მუნციპალიტეტიში სოფელ პირმისაანში.

