აშშ-ის სახელმწიფო დეპარტამენტმა უკრაინისთვის 500 Patriot-ის ტიპის რაკეტის გაყიდვა დაამტკიცა
აშშ-ის სახელმწიფო დეპარტამენტმა უკრაინისთვის Patriot-ის ტიპის საზენიტო-სარაკეტო სისტემების 500 PAC-3 რაკეტის გაყიდვა დაამტკიცა.
აშშ-ის სახელმწიფო დეპარტამენტმა განაცხადა, რომ უკრაინა შესყიდვას საგარეო სამხედრო გაყიდვების (FMS) პროგრამის ფარგლებში კანადის, გერმანიისა და ნორვეგიის მიერ JUMPSTART პროგრამის მეშვეობით გამოყოფილი თანხებით დაფარავს.
გარდა ამისა, დაფინანსება განხორციელდება ევროკავშირის უკრაინის მხარდაჭერის სესხის პროგრამის ფარგლებში.
ამ ტრანზაქციაში შეერთებული შტატების სახსრები არ იქნება ჩართული.
მიწოდების პაკეტი ასევე მოიცავს PAC-3 MSE რაკეტების სათადარიგო ნაწილებს, სხვა მასთან დაკავშირებულ მასალებს და აღჭურვილობას, ასევე ლოჯისტიკურ და პროგრამულ უზრუნველყოფას.
„შემოთავაზებული გაყიდვა ხელს შეუწყობს შეერთებული შტატების საგარეო პოლიტიკისა და ეროვნული უსაფრთხოების მიზნების მიღწევას პარტნიორი ქვეყნის უსაფრთხოების გაძლიერების გზით“, – განაცხადა სახელმწიფო დეპარტამენტმა.
მანამდე გავრცელდა ინფორმაცია, რომ უკრაინა თითქმის ერთი თვე ელოდა ჰეგსეტისგან Patriot-ისა და NASAMS-ის რაკეტებზე ხელმოწერას.
